好多人話係香港做創意產業，簡直係自討苦吃。但即使吃力不討好，都依然有一班人肯繼續堅持落去。佢哋有敬業、專注、精益、創新嘅「工匠精神」(Craftsman's spirit)，鐘意不斷雕琢自己嘅產品，追求完美同極致。係乜嘢原因令呢班「藝行者」對藝術嘅熱情唔會熄滅，又係乜嘢原因令到呢班人可以堅毅不屈？你又知唔知當一件作品經歷過千錘百煉，得到客人認同個份喜悅係點？我哋誠邀咗一班藝行者，一齊聽下佢哋嘅故事。
